عقد الاتفاق بين الزوجين في شروط الطلاق والنفقة,من العقود المهمة لكل من الزوجين على السواء لانه يضمن حقوق كل طرف من طرفى العقد .
عقد الاتفاق بين الزوجين لشروط الطلاق والنفقة.
اتفاق بين زوجين على النفقة
موضوعنا انهاردة مهم جدا وهوا ازي يتم الانفصال بين الزوجين بعيدا عن مشاكل المحاكم ،وفي نفس الوقت يكون الطلاق قانوني ,ويضمن حقوق الزوجين:
١-هنشرح اجراءات الطلاق الودي وحقوق الزوج وحقوق الزوجة.
لان عقد الاتفاق مع الزوجين في شروط الطلاق والنفقة من اهم الحاجات كما وضحنا انها تتعمل قبل الطلاق وهنتاول حقوق الزوج وحقوق الزوجة وحقوق الاطفال فى عقد الاتفاق مع الزوجين في شروط الطلاق والنفقة.
٢-بالنسبة لحقوق الزوج
في رؤية الاطفال لازم في عقد الاتفاق يتم الاتفاق على مواعيد محددة ،واماكن تنظيم رؤية الاطفال،وهل هيكون في اصطحاب للطفل للمبيت مع الوالد من عدمة.
٣-ودا بيكون في بند خاص في العقد وهنشرح في بوست منفصل صيغة عقد الاتفاق عشان الفايدة تعم للجميع.
٤-وبيتم الاتفاق ايضا علي موقف شقة الزوجية هل هتستمر الام بصفتها حاضنة،في شقة الزوجية ،ام هتاخذ بدل سكن لها وللاطفال.
حتى لا تحصل دائرهخلاف بين الزوجين بعد الطلاق فطبعا عقد الاتفاق مع الزوجين في شروط الطلاق والنفقة يحمى الطرفينمن الخلافبعد الطلاق.
٥-هنروح لحقوق الاطفال
في تحديد مقدار قيمة نفقة الصغار الشهرية ،وطريقة الدفع هل عن طريق حوالة بريدة ام حساب بنكي ام الاستلام باليد،ودا يعتبر من باب تنظيم عقد الاتفاق مع الزوجين في شروط الطلاق والنفقة.
٦-مدارس الاطفال والطريقة التي سيتم الدفع بها .
هل هيتم دفعها للام مباشرة ام هيتم تحويلها و عقد الاتفاق بين الزوجين في شروط الطلاق والنفقة ينظم هذه المسائل.
٧-نسبة الزيادة السنوية للنفقة وكسوة الاطفال والعلاج
لابد ان يتم تحديد النقاط دي في العقد بشكل واضح ،ولا يدع مجال للبس.
.دا هياخدنا لموضوع
طلاق الودى والطلاق القضائى..
ماهو الطلاق الودى…؟
الطلاق الودى الطلاق الى بيتم على يد المأذون الشرعى ودا اكتر من نوع فيه منه طلاق على إبراء.. وطلاق مع احتفاظ الزوجة بحقوقها… وطلاق غيابى…هنشرح كل نوع عشان تقدرى تعرفى الفرق بينهم..
الطلاق على إبراء…والنوع دا من الطلاق الزوجة بتكون حاضرة إجراءات الطلاق وبتتنازل عن حقوقها من #نفقة_متعة ونفقة عدة ومؤخر صداقها مقابل طلاقها .
النوع الثانى طلاق مع احتفاظ الزوجة بحقوقها..وهنا بيختلف عن النوع الاول لان الزوجة بتحافظ على حقوقها الشرعية من نفقة متعة ونفقة عدة ومؤخر الصداق .
الطلاق الغيابى …ودا شرحناه فى الحلقة السابقة لينا من سلسة حلقات معلومة قانونية ودا لينك الحلقة ننصحكم بمشاهدتها…
هنروح نتكلم عن الطلاق القضائى ودا بقا انواعة كتيرة المشهور منه الخلع والطلاق للضرر وهنشرح نبذه عنهم…
الخلع …الزوجة فى الخلع بتتنازل عن حقوقها الشرعية من نفقة المتعه والعده والمؤخر …ودا شبيهه بشكل ما بالطلاق على إبراء الى اتكلمنا عنه فى بداية البوست.
الطلاق للضرر ودا بقا انواعه كتيره جدا ومنها
الطلاق للتعدى على الزوجة والطلاق للزواج باخرى والطلاق لإستحكام الشقاق والخلاف والطلاق للضرر لغياب الزوج والطلاق للضرر للهجر..
نرحب بكافة الاستفسارات عن عقد الاتفاق مع الزوجين في شروط الطلاق والنفقة.
تحياتي
بلال جابر
محامي احوال شخصية ،محامي قضايا الاسرة
للتواصل
01024941022
